ايربودز برو الجيل الثاني – تعزلك عن كل شيء حواليك

الوصف

ايربودز برو الجيل الثاني من آبل تعطيك أول تجربة صحية سمعية شاملة في العالم. بشريحة اتش 2 المصممة من آبل باش تعطيك صوت غامر. ولو كنت من الناس اللي يحبوا النغمات والموسيقى العالية السماعة هذه هي أحسن خيار لك، لأنها تجي بمشغل منخفض التشويش واللي تم تصميمه خصيصا باش يعطيك صوت جهوري عميق ونقي بدقة ممتازة. سماعة الأذن هذه تتميز بإلغاء الضوضاء النشط وهذا اللي يعطيك ضوضاء أقل بشكل كبير لما تبي تركز أو حتى لما تتنقل من مكان لمكان، لكن في نفس الوقت ولأنها خاصية ذكية حتقدر تسمع صفارات الإنذار أو البناء في الوقت الفعلي. اللي يميز السماعة هذه هو أن يجي معها 4 أزواج من أطراف السيليكون (XS، S، M، L)، باش تناسب كل أحجام الأذان المختلفة، وهذا اللي يخلي السماعة ثابتة في أذنك ويعطيك الراحة، يعني حتى لو لبستها طول اليوم مش حتتعب وحتقعد ثابتة في أذنك مهما كان النشاط اللي تمارس فيه. والسماعة تعطيك مستوى أعلى من التحكم بحيث تقدر تتحكم في الصوت عن طريق اللمس.

سماعة ايربودز برو بعمر بطارية طويل يوصل حتى 6 ساعات متواصلة من الاستماع مع خاصية إلغاء الضوضاء النشط، ومع علبة الشحن تقدر تتحصل على 24 ساعة. تقدر تشحن السماعات بأكثر من طريقة (شاحن ساعة آبل، شاحن ميجا سيف، كابل شحن تايب سي، شاحن معتمد من Qi). وعندك علم أنك تقدر تتمرن أو حتى تعوم وأنت لابسها وتستمتع بالموسيقى أو البودكاست المفضل عندك، لأن السماعة وحافظة الشحن يتميزوا بمقاومة للغبار، العرق، والماء، بتصنيف IP54. ومن الحاجات اللي تتميز بها حافظة الشحن هي شريحة U1 اللي تخليك تقدر تتبع مكانها بدقة باستخدام تطبيق Find My على جهاز الآيفون وفيها مكبر صوت صغير يساعدك تلقى الحافظة بسهولة لما تريح منك. والحافظة فيها حلقة من الجنب باش تقدر تضيف حبل صغير ولا حلقة مفاتيح وتعلقها في شنطتك أو مع مفاتيحك. تقدر تفعل المساعد الصوتي “سيري” باش تتحكم في تشغيل الموسيقى، ضبط مستوى الصوت، إرسال رسائل، إجراء مكالمات، أو حتى باش تعرف أحوال الطقس والأخبار. وأكثر شيء يميز السماعات هذه هي ميزة مشاركة صوت هاتفك مع شخص آخر يستخدم في ايربودز من غير ما تحتاجوا الى مكبر الصوت.

 مميزات المنتج:

• صوت غامر: شريحة اتش 2 تعطيك صوت غامر، نقي، وواضح.
• صوت عالي من غير تشويش: تتميز بمشغل منخفض التشويش وهذا اللي يعطيك صوت عالي ونقي.
• مناسبة لهلبة أحجام أذن مختلفة: يجي معاها 4 أزواج من أطراف السيليكون (XS، S، M، L).
• عمر بطارية طويل: تعيش 6 ساعات مع خاصية إلغاء الضوضاء النشط، ومع علبة الشحن تقعد 24 ساعة.
• مقاومة بتصنيف IP54: مقاومة للغبار، الماء، والعرق.
• خاصية تتبع ومكبر مدمج: الحافظة تتميز بمكبر مدمج وشريحة U1 اللي تساعدك تلقى حافظة الشحن بكل سهولة لما تريح منك.